मुंबईत 21 कोटींचे तस्करीचे सोने जप्त : डीआरआयची कारवाई
मुंबई : खरा पंचनामा
महसूल गुप्तचर संचालनालयाने मुंबई उपनगरातील अंधेरी येथील एअर कार्गो कॉम्प्लेक्समधून 21 कोटी रुपयांचे 36 किलो तस्करी केलेले सोने आणि 20 लाख रुपयांची बेहिशेबी रोकड जप्त केली. या प्रकरणी एका व्यक्तीला अटक केली. महसूल गुप्तचर संचालनालयाने (DRI) सोन्याच्या तस्करीचा पर्दाफाश केला आहे.
याप्रकरणी डीआरआयने मेल्टिंग युनिटचा प्रभारी प्रशांत मोहन माईकर याला अटक केली. डीआरआयच्या अधिकाऱ्यांनी दिलेल्या माहितीनुसार, गेल्या काही महिन्यांपासून परदेशी नागरिकांच्या माध्यमातून भारतात होणाऱ्या सोने तस्करीचा पॅटर्नचा डीआरआयच्या अधिकाऱ्यांनी अभ्यास केला होता. काही विशिष्ट परदेशी नागरिक सातत्याने भारतामध्ये येत असल्याचे त्यांना आढळून आले. तसेच इथे आल्यावर ज्या भारतीय नागरिकांशी ते संपर्क करत त्यांची माहिती अधिकाऱ्यांना मिळाली. ही माहिती जमा केल्यानंतर सोन्याच्या तस्करीचे एक मोठे रॅकेट सुरू असल्याचे त्यांना समजले.
या तस्करी केलेल्या सोन्याचे पेमेंट हवालामार्गे केली जात असल्याची माहिती देखील प्राप्त झाली होती. त्यानंतर डीआरआयने काही परदेशी नागरिकांच्या प्रवासाच्या धर्तीवर पाळत ठेवली. या सिंडिकेटचा पर्दाफाश करताना काही भारतीयांचा समावेश असल्याचा संशय आला, असे अधिकाऱ्याने सांगितले.संशयिताने माहिती दिली आहे की, त्याने वेगवेगळ्या व्यक्तींकडून सोने खरेदी केले होते. त्यापैकी काही परदेशी नागरिकांचकडून कॅप्सूलच्या रूपात लपवून, प्रवासी बॅगमध्ये, कपड्यांचे थर आणि वेगवेगळ्या प्रकारच्या मशीनमध्ये तस्करी केली होती.
पुढील तपासात असे दिसून आले की, हे सोने विविध देशांतर्गत खेळाडूंना दिले जात होते. हा सिंडिकेटचा भाग असल्याचा संशय आहे. दररोज विशिष्ट कोड वापरून हे व्यवहार होत असल्याची माहिती मिळालेली आहे. आरोपीला सीमा शुल्क कायद्यांतर्गत अटक करण्यात आली आहे. ही तस्करी उधळून लावण्यासाठी काही परदेशी नागरिक आणि संशयित भारतीय नागरिकांच्या प्रवासाच्या विशिष्ट पद्धतीवर डीआरआय अधिकाऱ्यांच्या पथकाने काळजीपूर्वक पाळत ठेवली होती. हे सोने मुंबईत एका विशिष्ट ठिकाणी पोहोचवले जाते. तिथे त्यावर प्रक्रिया करून मुंबई तसेच अन्य शहरांतील व्यापाऱ्यांना विकले जाते. विशेष म्हणजे हे सोने विकणाऱ्याला आणि विकत घेणाऱ्याला एक सिक्रेट कोड दिला जात असे. तो कोड सांगितल्यावर खात्री पटल्यावरच याचा व्यवहार होत असे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
