चंद्रपूरवर 7-0 गोल फरकाने पराभव करत सांगलीची विजयी सलामी
आंतरजिल्हा फुटबॉल चॅम्पियनशिप स्पर्धा
धुळे : खरा पंचनामा
धुळे येथे सुरू असलेल्या 14 वर्षाखालील आंतरजिल्हा फुटबॉल चॅम्पियनशिप स्पर्धेत पहिल्याच सामन्यात सांगली जिल्हा संघाने चंद्रपूरच्या संघाचा 7-0 अशा गोल फरकाने पराभव करत विजयी सलामी दिली.
धुळे येथे मंगळवारपासून दि वेस्टर्न इंडिया फुटबॉल असोसिएशन, मुंबईच्या वतीने 14 वर्षाखालील मुलांच्या आंतरजिल्हा चॅम्पियनशिप स्पर्धेचे आयोजन करण्यात आले आहे. यामध्ये राज्यातील 34 जिल्ह्यांचे संघ सहभागी झाले आहेत.
मंगळवारी झालेल्या पहिल्याच सामन्यात सांगलीच्या संघाने चंद्रपूरच्या संघाचा 7-0 असा पराभव केला.
सांगली संघाकडून यश कांबळे याने 2 गोल करत मॅन ऑफ द मॅच हा किताब पटकावला. तर ताहीर मुश्रीफ यानेही 2 गोल केले. वरदराज खामकर, आराध्य हेटकाळे, प्रथमेश गायकवाड यांनी प्रत्येकी एक गोल केला. या संघाला प्रशिक्षक अनिल शिकलगार, विशाल कुरणे यांचे मार्गदर्शन लाभले.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
