तुमचा दावा खोटा; अहवालाचा दाखला देत जयंत पाटलांचा थेट मोदी सरकारवर निशाणा
मुंबई : खरा पंचनामा
राष्ट्रवादी काँग्रेसचे प्रदेशाध्यक्ष जयंत पाटील यांनी बेरोजगारीच्या मुद्द्यावरुन केंद्र सरकावर टीका केली आहे. सेंटर फॉर मॉनिटरींग इकोनॉमीच्या प्रसिद्ध झालेल्या अहवालाचा दाखला देवून त्यांनी मोदी सरकारचा दावा कसा खोटा आहे, हे दाखवून देण्याचा प्रयत्न केला आहे.
त्यांनी यासंदर्भात एक्सवर पोस्ट केली आहे.
एकीकडे देशात वेगवेगळ्या राज्यातील निवडणुकांचा प्रचार शिगेला पोहोचला आहे, सत्ताधारी पक्षाचे नेते प्रचारात आकंठ बुडाले आहेत, दुसरीकडे मात्र भारतातील बेरोजगारी देखील शिगेला पोहचली असून देशातील युवा बेरोजगारीच्या नैराश्यात आकंठ बुडाला आहे, असं जयंत पाटील म्हणाले.
सेंटर फॉर मॉनिटरींग इकोनॉमीच्या नुकत्याच प्रसिद्ध अहवालानुसार देशातील बेरोजगारीचा दर गेल्या दोन वर्षांतील उच्चांकी म्हणजे १०.०५ टक्क्यांवर पोहोचला आहे, असं म्हणत त्यांनी मोदी सरकारवर निशाणा साधला.
एकीकडे देशाची अर्थव्यवस्था वाढत असल्याचा दावा केला जात असताना दुसरीकडे मात्र बेरोजगारी देखील वाढत आहे. हे चित्र विरोधाभासी आहे. बेरोजगारी वाढत असल्याने देशाची अर्थव्यवस्था वाढत असल्याचा केंद्र सरकार व भाजपा नेत्यांचा दावा सपशेल खोटा ठरत आहे, असं म्हणत त्यांनी निशाणा साधला
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
