नीट पेरफुटीचं रॅकेट जिल्ह्याजिल्ह्यात पसरलंय सबएजंट्सचं जाळं
दोन आरोपी शिक्षकांची कबुली
लातूर : खरा पंचनामा
नीट पेपरफुटी प्रकरणानं संपूर्ण देशभरात खळबळ माजली आहे. त्यानंतर उघडकीस आलेल्या लातूरमधील रॅकेटनं तर महाराष्ट्राची झोपच उडवली आहे.
लातुरात जिल्हा परिषदेचे दोन आरोपी शिक्षक नीट पेपरफुटीचं रॅकेट चालवत असल्याचं धक्कादायक वास्तव समोर आलं आहे. याप्रकरणात दिवसागणित अनेक नवनवीन धक्कादायक आणि खळबळजनक खुलासे होत असल्याचं पाहायला मिळालं आहे. अशातच आता या प्रकरणात आणखी एक खळबळ माजवणारा खुलासा दोन आरोपी शिक्षकांनी केला आहे. विद्यार्थ्यांचे गुण वाढवून देण्यासाठी पैसे उकळल्याची धक्कादायक माहिती दोन आरोपी शिक्षकांनी पोलीस चौकशीत दिली असल्याची माहिती मिळाली.
आरोपी शिक्षकांनी सांगितलेल्या माहितीनुसार, पोलीस आतापर्यंत 28 लोकांपर्यंत पोहोचले आहेत. वैद्यकीय प्रवेश परीक्षेत गुण वाढवण्याचं आमिष दाखवून अनेक पालकांकडून प्रत्येकी 4 ते 5 लाख रुपये उकळल्याचा प्रकार लातूरमध्ये उघडकीस आला. या रॅकेटमध्ये सहभागाच्या संशयावरून पोलीस कोठडीत असलेला जिल्हा परिषद शाळेच शिक्षक संजय जाधव, जलील पठाण यांनी चौकशीत धक्कादायक माहिती दिली. या घोटाळ्यात जिल्ह्याजिल्ह्यात अनेक सबएजंट कार्यरत असल्याची कबुलीही आरोपी शिक्षकांनी दिली आहे. दरम्यान, यापैकी 28 जणांपर्यंत पोहोचण्यात पोलिसांना यश आलं आहे. मात्र, यातीलच काहींनी आपल्या पाल्यांसाठीही पैसे दिलेले असल्याचा खुलासा झाला आहे. त्यामुळे आता यांना या रॅकेटमधले सबएजंट म्हणायचं की, पालक या संभ्रमात पोलीस पडले आहेत.
पोलीस कोठडीत असलेला जलील पठाण आणि संजय जाधव यांनी नीट परीक्षेतील गैरव्यवहाराची बरीच माहिती पोलिसांना दिली. गेल्या 3 ते 4 वर्षांत पठाण आणि जाधवसारखे अनेक एजंट लातूर जिल्हा आणि मराठवाड्यातही कार्यरत आहेत. त्यांनी जे पैसे जमा केले, त्या विद्यार्थ्यांचे गुणही वाढवून देण्यात आल्याचा दावा या दोघांनी केला आहे. इतकंच नव्हे तर इतर सरकारी नोकर भरती प्रक्रियेतील परीक्षेतही हे रॅकेट सक्रिय असल्याचा पोलिसांना संशय आहे.
आरोपी शिक्षक जाधव आणि पठाण यांच्याकडून पैसे घेऊन ते दिल्लीपर्यंत पोहोचवणारा उमरगा, आयटीआयमधील सुपरवायझर इरन्ना कोनगलवार आणि दिल्लीतील एजंट गंगाधर हे तीन आरोपी अद्याप फरार आहेत. गंगाधर हा मूळचा मराठवाड्याचा असून उत्तराखंडमध्ये लपून बसला आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
