दाढी ठेवल्यामुळे मुस्लिम पोलीस कर्मचाऱ्याची झाली होती हकालपट्टी, महाराष्ट्रातील प्रकरण सुप्रीम कोर्टात !
नवी दिल्ली : खरा पंचनामा
मुस्लिम धर्माच्या पोलीस कर्मचाऱ्याला दाढी ठेवण्याबद्दल निलंबित करणे हा संवैधानिक अधिकारांचा उल्लंघन आहे का, यावर सुप्रीम कोर्ट आज (१३ ऑगस्ट) सुनावणी करणार आहे. भारताच्या नागरिकांना अनुच्छेद २५ अंतर्गत धर्माचे पालन करण्याचा मूलभूत अधिकार मिळालेला आहे. अशा प्रकरणांमध्ये कोणते नियम लागू होतात आणि पोलिस कर्मचाऱ्याला निलंबित करणे हे अधिकारांचे उल्लंघन आहे का?, यावर आज सुप्रीम कोर्ट या प्रकरणाची समीक्षा करून निर्णय घेईल.
सोमवारी या प्रकरणाच्या सुनावणीदरम्यान सुप्रीम कोर्टाने सांगितले, "हा संवैधानिशी संबंधित महत्त्वपूर्ण मुद्दा आहे आणि या मुद्द्यावर सविस्तर चर्चा होणे आवश्यक आहे."
सुप्रीम कोर्ट महाराष्ट्र राज्य राखीव पोलीस दलाच्या सिपाही जहीरुद्दीन शम्सुद्दीन बेदादे यांच्या अपीलवर सुनावणी करत आहे. त्यांना दाढी ठेवण्याच्या कारणास्तव ऑक्टोबर २०१२ मध्ये सेवेतून निलंबित करण्यात आले होते. जहीरुद्दीन यांनी मुंबई हाय कोर्टात अपील दाखल केली होती. हाय कोर्टाने २०१२ मध्येच याचिकाकर्त्याला दाढी ठेवल्याबद्दल सस्पेंड करण्याच्या निर्णयाला योग्य मानले होते. त्यानंतर मुंबई हाय कोर्टाच्या निर्णयाला सुप्रीम कोर्टात आव्हान देण्यात आले आहे.
गेल्या काही दिवसांत दाढी ठेवल्याबद्दल पोलीस कर्मचाऱ्यांना निलंबित करण्याचे प्रकरण उत्तर प्रदेशातही समोर आले आहे. तर ऑक्टोबर २०२० मध्ये बागपत जिल्ह्यात नियुक्त सब-इंस्पेक्टरला लांब दाढी ठेवण्याच्या कारणास्तव सस्पेंड करण्यात आले होते. पोलिस सब- इंस्पेक्टरवर ही विभागीय कारवाई पोलिस मॅन्युअलच्या अंतर्गत करण्यात आली होती.
हे प्रकरण बागपतच्या रमाला ठाण्यात नियुक्त सब-इंस्पेक्टर इंतेशार अली आणि त्यांच्या लांब दाढीशी संबंधित होते. बागपतच्या पोलीस अधीक्षकांनी सब-इंस्पेक्टरला तीन वेळा दाढी कापण्याची चेतावणी दिली होती, परंतु ते लांब दाढीसहच ड्यूटी करत राहिले. याच कारणास्तव बागपतच्या एसपींनी त्यांना तात्काळ सस्पेंड करून पोलिस लाईनमध्ये पाठवले.
उत्तर प्रदेश पोलिस मॅन्युअल आणि नियमांनुसार, शीखांना वगळता कोणालाही वरिष्ठ अधिकाऱ्यांच्या परवानगीशिवाय दाढी ठेवण्याची परवानगी नाही. पोलिस विभागाच्या कर्मचाऱ्यांना परवानगीशिवाय मिशा ठेवता येतात पण दाढी ठेवता येत नाही. फक्त शीख समुदायाला परवानगीशिवाय दाढी ठेवता येते. शीख धर्माशिवाय अन्य धर्माचे पालन करणाऱ्यांना असे करण्यासाठी विभागाची परवानगी घ्यावी लागते.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
