बारमधील बिलाच्या वादातून बाऊन्सरकडून सराइताचा खून

बारमधील बिलाच्या वादातून बाऊन्सरकडून सराइताचा खून

पुणे : खरा पंचनामा

बिलावरून झालेल्या वादातून गुन्हेगाराचा मद्यालयातील अंगरक्षकाकडून (बाऊन्सर) सराइताच्या डोक्यात हातोडी मारून खून करण्यात आल्याची धक्कादायक घटना मध्यरात्री सिंहगड रस्ता परिसरात घडली.

गोट्या उर्फ अमोल शेजवाळ (वय ३४, रा. धायरी फाटा, सिंहगड रस्ता) असे खून झालेल्या सराइताचे नाव आहे. याप्रकरणी पोलिसांनी अंगरक्षकासह तिघांना ताब्यात घेतले आहे.

पोलिसांनी दिलेल्या माहितीनुसार, सिंहगड रस्त्यावरील वडगाव पुलाजवळ असलेल्या क्लासिक बारमध्ये शेजवाळ आणि त्याचे मित्र गुरुवारी रात्री गेले होते. रात्री साडेबाराच्या सुमारास बिलावरून बारमधील व्यवस्थापक आणि शेजवाळ यांच्यात वाद सुरू झाला. वादाचे पर्यवसन हाणामारीत झाले. बारमधील अंगरक्षक आणि शेजवाळ यांच्यात हाणामारी झाली. त्यावेळी अंगरक्षकाने शेजारी असलेल्या पंक्चरच्या दुकानातून हातोडी आणली. शेजवाळ याच्या डोक्यात हातोडी मारल्याने तो गंभीर जखमी झाला. त्याला तातडीने खासगी रुग्णालयात दाखल करण्यात आले. उपचारांपूर्वीच त्याचा मृत्यू झाला.

पोलिसांनी तिघांना ताब्यात घेतले असून, त्यांच्याविरुद्ध खुनाचा गुन्हा दाखल करण्यात आला. शेजवाळविरुद्ध गंभीर स्वरुपाचे गुन्हे दाखल असल्याची माहिती पोलिसांनी दिली.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.