भाजपची निवडणूकपूर्व तयारी, राज्यातील सर्व २५ हेलिकॉप्टर केले बुक!
मुंबई : खरा पंचनामा
महाराष्ट्रातील आगामी विधानसभा निवडणुकीसाठी भारतीय जनता पक्षाने (भाजप) राज्यातील उपलब्ध सर्व २५ हेलिकॉप्टर बुक करून जोरदार तयारी केली आहे. निवडणूक प्रचारासाठी ही हालचाल भाजपकडून निवडणूक जाहीर होण्यापूर्वीच करण्यात आली आहे. ज्यामुळे महाविकास आघाडीसमोर मोठे आव्हान निर्माण झाले आहे. महाविकास आघाडीला आता इतर राज्यांमधून हेलिकॉप्टर मागवण्याची वेळ आली आहे.
भाजपने राज्यातील सर्व हेलिकॉप्टर आधीच बुक करून निवडणूक प्रचारात आघाडी घेतली आहे. महाराष्ट्रातील एव्हिएशन कंपन्यांच्या माहितीनुसार, भाजपने आपल्या प्रचारासाठी उपलब्ध २५ हेलिकॉप्टर बुक केले आहेत. हे हेलिकॉप्टर राज्यातील विविध प्रचारसभांमध्ये आणि नेत्यांच्या दौऱ्यासाठी वापरले जाणार आहेत. या बुकिंगमुळे भाजपची निवडणूकपूर्व तयारी दिसून येते, ज्यामुळे विरोधकांना त्यांच्या प्रचारासाठी इतर राज्यांतून हेलिकॉप्टर मागवावे लागले आहेत.
भाजपच्या या तयारीमुळे महाविकास आघाडीला राज्यात हेलिकॉप्टर उपलब्ध न झाल्यामुळे राजस्थान, दिल्ली, कर्नाटक, आणि गुजरातहून हेलिकॉप्टर मागवावे लागले आहेत. मुंबईतील एका एव्हिएशन कंपनीच्या माहितीनुसार, महाविकास आघाडीने प्रत्येकी दोन हेलिकॉप्टर या राज्यांमधून तर बंगळुरूहून चार हेलिकॉप्टर महिनाभरासाठी बुक केली आहेत. ही हेलिकॉप्टर महाविकास आघाडीच्या प्रमुख नेत्यांच्या प्रचारासाठी वापरली जाणार आहेत.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
