भाजपचे पदाधिकारी सुधाकर खाडे यांचा खून, तरुणाला अटक
मिरज : खरा पंचनामा
मनसेचे माजी जिल्हाध्यक्ष व भाजप स्टार्ट अप इंडियाचे प्रदेशाध्यक्ष सुधाकर खाडे यांचा जमिनीच्या वादातून मानेवर कुऱ्हाडीने निघृण खून करण्यात आला. याप्रकरणी गांधी चौक पोलिसात गुन्हा दाखल करण्याचे काम सुरु आहे. याप्रकरणी एका तरुणाला पोलिसांनी अटक केली.
कार्तिक चंदनवाले असे अटक केलेल्या तरुणाचे नाव आहे. खाडे यांनी मिरजेत पंढरपूर रस्त्यावरील राम मंदिरालगत चंदनवाले मळा येथील जमीन सचिन जगदाळे यांच्याकडून घेतली होती. मात्र यास लक्ष्मण चंदनवाले यांनी हरकत घेतल्याने गेले काही महिने खाडे यांच्यासोबत त्यांचा वाद सुरू होता. या जागेवर कुंपण घालण्यासाठी सुधाकर खाडे यांच्यासह आठ ते दहा साथीदारांसोबत गेले होते. यावेळी चंदनवाले कुटुंबीय व खाडे यांच्यात वादावादी झाली.
यावेळी रागातून कार्तिक चंदनवाले याने कुऱ्हाडीने अचानक मागून सुधाकर खाडे यांच्या मानेवर हल्ला केला. कुऱ्हाडीचा मानेवर वर्मी घाव बसल्याने खाडे यांचा जागीच मृत्यू झाला. यावेळी खाडे यांच्या साथीदारांवर हल्ला चढविल्याने तेथे मोठा गोंधळ उडाला होता. खाडे यांना मिरजेत खासगी रुग्णालयात उपचारासाठी नेण्यात आले मात्र ते मृत झाल्याचे घोषित करण्यात आले.
खुनानंतर कार्तिक चंदनवाले याला पोलिसांनी अटक केली आहे. याप्रकरणी गांधी चौक पोलिसात कार्तिक चंदनवाले लक्ष्मण चंदनवाले, शंकर चंदनवाले, काशिनाथ चंदनवाले यांच्यासह तीन महिलाविरुद्ध खुनाचा गुन्हा दाखल करण्याचे काम सुरु आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
