एसीपी पदोन्नतीसाठी यादी तयार, गृह विभागाने मागवली माहिती
मुंबई : खरा पंचनामा
महाराष्ट्र पोलीस दलातील निशस्त्र पोलीस निरीक्षकांच्या पदोन्नतीसाठीच्या नावांची यादी गृह विभागाकडून तयार करण्यात आली आहे. राज्यभरातील ४६६ पोलीस निरीक्षकांच्या पदोन्नतीची यादी तयार करण्यात आली.
त्यात मागील वर्षी पदोन्नती न मिळालेल्या पोलीस निरीक्षकांची नावे आहेत. या यादीत मागील वर्षी पदोन्नती नाकारणाऱ्या पोलीस निरीक्षकांची नावे असून यंदा त्यांना पदोन्नती घ्यावीच लागणार असल्याचे एका अधिकाऱ्याने म्हटले आहे. या अधिकाऱ्यांची माहिती गृह विभागाला पाठवून लवकरच त्यांना पदोन्नती देण्यात येईल अशी माहिती एका अधिकाऱ्याने सांगितली आहे.
महाराष्ट्र पोलीस दलातील निःशस्त्र पोलीस निरीक्षकांना सहाय्यक पोलीस आयुक्त (एसीपी) पदोन्नतीसाठी यादी गृह विभागाकडून काढली जाते. या यादीत नमूद अधिकाऱ्यांची माहिती पोलीस महासंचालक कार्यालयाकडून मागविण्यात येते. या माहितीनुसार त्यांना एसीपी म्हणून पदोन्नतीसाठी पात्र ठरविण्यात येते. २०२४-२५ या वर्षी एसीपी पदोन्नतीसाठी राज्याच्या गृह विभागाने ४६६ पोलीस निरीक्षकाही यादी नुकतीच जाहीर केलेली असून त्यांची माहिती पोलीस महासंचालक कार्यालयाकडून तात्काळ गृह विभागाकडे पाठवण्यात यावी असे सांगण्यात आले आहे. यादीत असलेल्या ४६६ पोलीस निरीक्षक हे संपूर्ण राज्यातील आहे.
एका सेवानिवृत्त अधिकाऱ्याने नाव न छापण्याच्या अटीवर सांगितले की, ज्या पोलीस निरक्षकाला सेवानिवृत्तीसाठी बराच कालावधी बाकी असतो तो अधिकारी पदोन्नतीसाठी इच्छुक नसतो. पदोन्नती टाळण्यासाठी तो अधिकारी आपल्या सर्व्हिसच्या काळात त्याच्यावर असलेले विभागीय चौकशी, कसुरी अहवाल तसेच एखाद्या प्रकरणात त्याला आलेल्या नोटीसचा आसरा घेऊन पोलीस महासंचालक कार्यालयाला माहिती पाठवून एकप्रकारे एसीपीचे प्रमोशन नाकारतो, त्यामागचे कारण म्हणजे मुंबई तसेच महानगरामध्ये एसीपी हे पद एक्झिक्युटिव्ह पद आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
