ज्यांच्या नजरेतून वाचला नाही सैफचा हल्लेखोर, अखेर त्याला शोधूनच काढलं, दीक्षित गेडाम आहेत तरी कोण?

ज्यांच्या नजरेतून वाचला नाही सैफचा हल्लेखोर, अखेर त्याला शोधूनच काढलं, दीक्षित गेडाम आहेत तरी कोण?

मुंबई : खरा पंचनामा 

16 जानेवारीला अभिनेता सैफ अली खानवर हल्ला झाला. तेव्हापासून पोलीस हल्लेखोराच्या शोधात होते. अखेर सैफचा हल्लेखोर सापडलाच आहे. पोलिसांनी त्याला शोधून काढलं आहे आणि गजाआड केलं आहे. ज्या पोलिसांनी सैफच्या हल्लेखोराच्या मुसक्या आवळल्या त्यांचं नाव आहे दीक्षित गेडाम. बॉलिवूड अभिनेता सैफ अली खानवर झालेल्या हल्ल्याचा पूर्ण तपास आयपीएस अधिकारी दीक्षित गेडाम करत आहेत.

आयपीएस दीक्षित गेडाम मुंबई झोन-9 चे पोलीस उपायुक्त (डीसीपी) आहेत. मूळचे महाराष्ट्राचेच असलेल्या दीक्षित गेडाम यांनी बीएससी डिग्री घेतली, त्यानंतर त्यांनी 2011 साली यूपीएससी सिव्हिल सेवा परीक्षेमध्ये 646 वा रँकिंग मिळवलं. दीक्षित गेडाम 2012 च्या बॅचचे महाराष्ट्र कॅडरचे आयपीएस अधिकारी आहेत.

आयपीएस अधिकारी होऊन सरकारी नोकरी मिळवण्याचं स्वप्न सगळेच जण बघत असतात. ही नोकरी जेवढी प्रतिष्ठित असते तेवढीच जबाबदारीचीही असते. आयपीएस होण्यासाठी सगळ्यात आधी युपीएससी सिव्हिल सेवा परीक्षा पास करावी लागते, याचसोबत या परिक्षेमध्ये चांगली रँकिंगही मिळवावी लागते, तेव्हाच आयपीएस म्हणून नोकरी मिळते. आयपीएस बनल्यानंतर जेव्हा पोस्टिंग मिळते, तेव्हा अधिकाऱ्याची जबाबदारी आणखी वाढते.

आयपीएस झाल्यानंतर दीक्षित गेडाम यांनी अनेक ठिकाणी सेवा दिली. त्यांनी सिंधुदुर्ग, सांगलीचे पोलीस अधीक्षक या पदावरही काम केले आहे. याआधी दीक्षित गेडाम मुंबई झोन 8 मध्येही डीसीपी पदावर होते. आता ते सैफ अली खानवर झालेल्या हल्ल्याचा तपास करत आहेत.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.