सावंत माजलाय, थोड्या दिवसांचा पाहुणा, घरी जाऊन खात्मा करु
इतिहासकार इंद्रजित सावंतांना पुन्हा धमकी
कोल्हापूर : खरा पंचनामा
इतिहासकार इंद्रजित सावंत यांना नागपुरातील प्रशांत कोरटकरने दिलेली जिवे मारण्याची धमकी ताजी असतानाच आता पुन्हा एकदा नव्याने धमकी देण्यात आली आहे. आता त्यांना धमकीचा मेसेज आला असून सावंत माजलाय, थोड्या दिवसांचा पाहुणा, घरी जाऊन खात्मा करू, अशी नव्याने धमकी दिली आहे.
केशव वैद्य नावाच्या व्यक्तीकडून ही धमकी देण्यात आली आहे. केशव वैद्य नावाच्या व्यक्तीने youtube चॅनेलच्या कॉमेंटमधून धमकी दिली आहे.
दुसरीकडे, इंद्रजित सावंत यांना धमकी दिल्यानंतर तो मी नव्हेच असा दावा करणारा प्रशांत कोरटकर फरार का झाला? याचे उत्तर अजून मिळालेलं नाही. कोल्हापूर पोलिसांनी नागपुरात कोरटकरच्या घरात पाहणी करून माग काढण्याचा प्रयत्न केला असला, तरी त्याचा थांगपत्ता लागलेला नाही. तो मध्य प्रदेशातील बालाघाटला फरार झाल्याचे सांगण्यात येत आहे. पोलिसांचे एक पथक तिकडे रवाना झालं आहे. धमकी मी दिली नाही म्हणणाऱ्या कोरटकरने अटकपूर्व जामीनासाठी पळापळ सुरु केल्याचे बोलले जात आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
