Breaking News

6/recent/ticker-posts

KP Banner

M4U News

यामाहा दुचाकी चोरणाऱ्या सोलापूर येथील सराईत गुन्हेगाराला अटक7.20 लाखांची 12 वाहने जप्त : सांगली एलसीबीची अंकलीत कारवाई

यामाहा दुचाकी चोरणाऱ्या सोलापूर येथील सराईत गुन्हेगाराला अटक
7.20 लाखांची 12 वाहने जप्त : सांगली एलसीबीची अंकलीत कारवाई

सांगली : खरा पंचनामा

सांगली शहरातील विविध ठिकाणे, आष्टा येथून यामाहा दुचाकी चोरणाऱ्या सोलापूर जिल्ह्यातील एका सराईत गुन्हेगाराला अटक करण्यात आली. त्याच्याकडून 7.20 लाखांची 12 वाहने जप्त करण्यात आल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.

संकेत तानाजी ढगे (वय २१, रा. निंबोणी, ता मंगळवेढा, जि सोलापूर) असे अटक केलेल्याचे नाव आहे. जिल्ह्यातील दुचाकी चोरीचे गुन्हे उघडकीस आणण्यासाठी निरीक्षक शिंदे यांनी सहायक निरीक्षक पंकज पवार यांचे पथक तयार केले होते. पथकातील विक्रम खोत, उदय माळी, बंडा नागणे यांना एक तरुण विना क्रमांकाची यामाहा दुचाकी घेऊन आष्टा-बागणी फाटा परिसरात थांबल्याची माहिती मिळाली. 

पथकाने सापळा रचून ढगे याला ताब्यात घेतले. त्याच्याकडे दुचाकी बाबत चौकशी केल्यावर त्याने सुरुवातीला उडवा उडवीची उत्तरे दिली. कसून चौकशी केल्यावर त्याने सांगली शहरातील विविध ठिकाणे तसेच आष्टा परिसरातून 12 दुचाकी चोरल्याची कबुली दिली. त्याला अटक करून 11 गुन्हे उघडकीस आणत पथकाने 12 दुचाकी जप्त केल्या. त्याला सांगली शहर पोलिसांच्या ताब्यात देण्यात आले आहे. 

एलसीबीचे वरिष्ठ पोलीस निरीक्षक सतिश शिंदे यांच्या मार्गदर्शनाने सहायक निरीक्षक पंकज पवार, सागर लवटे, महादेव नागणे, संदिप गुरव, सतिश माने, मछिंद्र बर्डे, अनिल कोळेकर, अमर नरळे, उदय माळी, संदिप नलावडे, विक्रम खोत, केरबा चव्हाण, कॅप्टन गुंडवाडे, विजय पाटणकर यांच्या पथकाने ही कारवाई केली.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.