बेकायदा देशी बनावटीचे पिस्तूल बाळगणाऱ्या कोल्हापूर जिल्ह्यातील एकाला अटक
दोन काडतूसेही जप्त : सांगली एलसीबीची अंकलीत कारवाई
सांगली : खरा पंचनामा
बेकायदा देशी बनावटीचे पिस्तूल बाळगणाऱ्या कोल्हापूर जिल्ह्यातील एका तरुणाला अटक करण्यात आली. अंकली (ता. मिरज) येथे ही कारवाई करण्यात आली. त्याच्याकडून एक पिस्तूल, दोन काडतूसे असा 50 हजारांचा मुद्देमाल जप्त करण्यात आल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.
विकास अर्जुन चौगुले (वय ३२, रा. माळवाडी, ता पन्हाळा, जि कोल्हापूर) असे अटक केलेल्याचे नाव आहे. जिल्ह्यात बेकायदा शस्त्रे घेऊन फिरणाऱ्यांवर कारवाई करण्यासाठी निरीक्षक शिंदे यांनी उपनिरीक्षक कुमार पाटील यांचे पथक तयार केले होते. अंकली येथे एक तरुण देशी बनावटीचे पिस्तूल घेऊन थांबल्याची माहिती पथकाला मिळाली. पथकाने सापळा रचून चौगले याला ताब्यात घेतले. त्याची झडती घेतल्यावर त्याच्याजवळ एक देशी बनावटीचे पिस्तूल, दोन काडतूसे सापडली. ती जप्त करून शस्त्र परवाना नसल्याने चौगले याला अटक करण्यात आली. त्याला सांगली ग्रामीण पोलिसांच्या ताब्यात देण्यात आले आहे.
एलसीबीचे वरिष्ठ पोलीस निरीक्षक सतिश शिंदे यांच्या मार्गदर्शनाने उपनिरिक्षक कुमार पाटील, अतुल माने, रणजित जाधव, सुशिल मस्के, ऋतुराज होळकर, सुमित सुर्यवंशी, सुरज थोरात यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
