तीन महिन्यांत ट्रॅफिक दंड न भरल्यास ड्रायव्हिंग लायसन्स होणार रद्द, विमाही महागणार
दिल्ली : खरा पंचनामा
आता ट्रॅफिक दंड न भरल्यास तुम्हाला मोठी किंमत मोजावी लागणार आहे. ट्रॅफिक पोलिस तुमचं ड्रायव्हिंग लायसन्स रद्द करू शकतात. सूत्रांनुसार, सरकारने नवीन नियमांचा मसुदा तयार केला आहे. या मसुद्यानुसार, जर ई-चलनाचा दंड तीन महिन्यांत भरला नाही, तर चालकाचं लायसन्स रद्द होऊ शकतं. इतकंच नव्हे, तर वर्षभरात रेड लाइट तोडणे किंवा धोकादायक ड्रायव्हिंगसारख्या तीन चुका करणाऱ्यांचं लायसन्स तीन महिन्यांसाठी जप्त करण्याचा प्रस्ताव आहे.
ट्रॅफिक पोलिस दरवर्षी लाखो ई-चलन जारी करतात, पण त्यापैकी फक्त ४० टक्केच लोक दंड भरतात. सरकारला ही वसुली वाढवायची आहे. कठोर नियमांमुळे लोक चलन भरण्यास गंभीर होतील, असा सरकारचा विश्वास आहे. शिवाय, ज्यांचे दोन चलन थकीत असतील, त्यांच्या वाहनाच्या विमा प्रीमियममध्ये वाढ करण्याचा विचारही सुरू आहे. सध्या दंड न भरल्यास कोणतीही पेनल्टी नाही आणि लोक अदालतीत चलनावर सूटही मिळते, त्यामुळे लोक मुद्दाम दंड भरत नाहीत.
सुप्रीम कोर्टाने सर्व राज्ये आणि केंद्रशासित प्रदेशांकडून चलन आणि त्यांच्या भुगतानाबाबत अहवाल मागवला होता. दिल्लीत सर्वाधिक चलन होतात, पण १४ टक्के लोक दंड भरत नाहीत. उत्तर प्रदेशात हा आकडा २७ टक्के, तर ओडिशात सर्वाधिक २९ टक्के आहे. इतर राज्यांतही अशीच परिस्थिती आहे. त्यामुळे सरकार नियम कडक करत आहे.
या बदलांमुळे चलन भरण्याचं प्रमाण वाढेल आणि ट्रॅफिक नियमांचं पालनही सुधारेल, असं सरकारला वाटतं. आता चालकांना वेळेत दंड भरणं अनिवार्य होणार आहे, नाहीतर लायसन्स आणि विम्यावर परिणाम होईल.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
