पेंटिंग करताना दागिने चोरणाऱ्या तरुणाला अटक
1.40 लाखांचा ऐवज जप्त : सांगली शहर पोलिसांची कारवाई
सांगली : खरा पंचनामा
शहरातील खणभागात घरात पेंटिंगसाठी येऊन दागिने चोरणाऱ्या तरुणाला अटक करण्यात आली. त्याच्याकडून 1.40 लाखांचे दागिने जप्त केल्याची माहिती सांगली शहर पोलीस ठाण्याचे वरिष्ठ निरीक्षक संजय मोरे यांनी दिली.
मलीकरेहान जिलानी कुडचीकर (वय २१), मुळ रा. राजीव गांधी, अक्षय कॉलनी, बागलकोट (नवनगर), सध्या रा.रेल्वे कोल्हापुर चाळ, मिरज) असे अटक केलेल्याचे नाव आहे. खणभाग येथील अफजल सुभेदार यांच्या घरात दि. 30 मार्च रोजी पेंटिंगचे काम सुरु होते. तेथे कुडचिकर काम करत होता. पेंटिंग झाल्यावर घरातील दागिने कोणीतरी लंपास केल्याचे त्यांच्या लक्षात आले. त्यांनी याबाबत शहर पोलीस ठाण्यात फिर्याद दिली. त्यानंतर निरीक्षक मोरे यांनी गुन्हे प्रकटीकरण शाखेला चोरट्याला शोधण्याच्या सूचना दिल्या.
पथकातील गौतम कांबळे, संतोष गळवे यांना ही चोरी कुडचिकर याने केल्याची माहिती खबऱ्याद्वारे मिळाली. त्याला ताब्यात घेऊन कसून चौकशी केल्यावर त्याने गुन्ह्याची कबुली दिली. त्याला अटक करून 1.40 लाखांचे दागिने जप्त करण्यात आले.
शहर पोलीस ठाण्याचे वरिष्ठ निरीक्षक संजय मोरे यांच्या मार्गदर्शनाने कोळेकर, संदीप पाटील, लिंबळे, शिंदे, गौतम कांबळे, संतोष गळवे, पुजारी, पोकों/८०० कोळी, सटाले, श्री. कोळी, श्री. साळुंखे, श्री. हाक्के, श्री. कोळेकर यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
