कुंडल येथे देशी बनावटीचे पिस्तूल घेऊन फिरणाऱ्या सराईताला अटक
रोकड, काडतूससह 60 हजारांचा माल जप्त : सांगली एलसीबीची कारवाई
सांगली : खरा पंचनामा
कुंडल (ता. पलूस) येथे बेकायदा देशी बनावटीचे पिस्तूल घेऊन फिरणाऱ्या सराईत गुन्हेगाराला अटक करण्यात आली. त्याच्याकडून पिस्तूल, काडतूस, रोकड असा 60 हजारांचा मुद्देमाल जप्त केल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.
कुमार जगन्नाथ खेत्री, (वय ३१, रा ताकारी, ता वाळवा) असे अटक केलेल्याचे नाव आहे. बेकायदा शस्त्रे, अग्नीशस्त्रे बाळगणाऱ्यांवर कारवाई करण्यासाठी निरीक्षक शिंदे यांनी सहायक निरीक्षक पंकज पवार यांचे एक पथक तयार केले होते. पथक कुंडल परिसरात गस्त घालत होते. त्यावेळी पथकातील संदीप गुरव, बंडा नागणे यांना सराईत गुन्हेगार खत्री पिस्तूल घेऊन फिरत असल्याची माहिती मिळाली. पथकाने सापळा लावला.
कुंडल फाटा ते किर्लोस्करवाडी रस्त्यावर खत्री संशयस्पदरित्या फिरत असल्याचे दिसून आले. पथकाने त्याला ताब्यात घेऊन तपासणी केल्यावर त्याच्याजवळ देशी बनावटीचे पिस्तूल, काडतूस सापडले. ते ताब्यात घेऊन त्याला अटक करण्यात आली. त्याच्याविरोधात कुंडल पोलीस ठाण्यात गुन्हा दाखल करण्यात आला आहे. खत्री हा पोलिसांच्या रेकॉर्डवरील गुन्हेगार असून त्याच्याविरोधात इस्लामपूर, पलूस, श्रीरामपूर, भुईंज पोलीस ठाण्यात गुन्हे दाखल आहेत.
एलसीबीचे वरिष्ठ पोलीस निरीक्षक सतिश शिंदे यांच्या मार्गदर्शनाने सहायक निरीक्षक पंकज पवार, महादेव नागणे, संदिप गुरव, सागर लवटे, मछिंद्र बर्डे, सतिश माने, अनिल कोळेकर, अमर नरळे, उदय माळी, संदिप नलावडे, विनायक सुतार, केरबा चव्हाण, विक्रम खोत यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
