"पाकिस्तानी नागरिकांना शोधा अन् तात्काळ परत पाठवा"
अमित शाह यांचे सर्व राज्याच्या मुख्यमंत्र्यांना निर्देश
दिल्ली : खरा पंचनामा
जम्मू-काश्मीरमधील पहलगाममध्ये २२ एप्रिल रोजी झालेल्या दहशतवादी हल्ल्यात तब्बल २६ पर्यटकांचा मृत्यू झाला. या घटनेनंतर संपूर्ण देशभरातून संतप्त प्रतिक्रिया उमटल्या आहेत.
या घटनेच्या पार्श्वभूमीवर भारताने पाकिस्तानवर अनेक निर्बंध लादले आहेत. सध्या पाकिस्तान आणि भारतामध्ये तणावाचं वातावरण निर्माण झाल्याचं चित्र पाहायला मिळत आहे. तसेच भारतीय जवानांकडून दहशतवाद विरोधी मोहिम राबवण्यात येत आहे.
दरम्यान, केंद्रीय गृहमंत्री अमित शाह यांनी पहलगाममध्ये २२ एप्रिल रोजी झालेल्या दहशतवादी हल्ल्याच्या पार्श्वभूमीवर आज (२५ एप्रिल) सर्व राज्यांच्या मुख्यमंत्र्यांना महत्वाचे आदेश दिले आहेत. भारताने पाकिस्तानी नागरिकांसाठी असलेले सर्व व्हिसा सेवा तात्काळ बंद करण्याचा निर्णय घेतला २४ एप्रिल रोजी घेतला होता. यानंतर आता पुन्हा एकदा केंद्रीय गृहमंत्री अमित शहा यांनी सर्व मुख्यमंत्र्यांना त्यांच्या संबंधित राज्यांमधून पाकिस्तानी नागरिकांना तात्काळ बाहेर काढण्याच्या सूचना देण्यात आल्या असल्याचं वृत्त इंडिया टुडेनी दिलं आहे. वरिष्ठ अधिकाऱ्यांबरोबर झालेल्या बैठकीनंतर अमित शाह यांनी सर्व राज्यांच्या मुख्यमंत्र्यांना या सूचना देण्यात आल्या आहेत.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
