राज्यातील सात IAS अधिकारी बदलले
मुंबई : खरा पंचनामा
राज्यातील वरिष्ठ आयएएस अधिकाऱ्यांच्य बदल्यांचा सपाटा अद्याप थांबताना दिसत नाही. गेल्याच आठवड्यात पाच अधिकाऱ्यांच्या बदल्या झाल्यानंतर मंगळवारी पुन्हा सात आयएएस अधिकाऱ्यांच्या बदल्यांचे आदेश जारी करण्यात आले आहेत.
उद्योग संचलनालयात अतिरिक्त विकास आयुक्तपदी बदली करण्यात आली आहे. तर वरिष्ठ आयएएस अधिकारी निधी पांडे यांची लघुउद्योग खात्याच्या व्यवस्थापक संचालकपदी बदली करण्यात आली आहे.
भारत बास्टेवाड यांची नागपूरमध्ये रोजगार हमी योजनेच्या ठिकाणी बदली करण्यात आली आहे. तर लक्ष्मी नारायण मिश्रा यांची एमएसआरडीसीमध्ये सहाय्यक व्यवस्थापकपदी बदली करण्यात आली आहे. कल्याण डोंबिवली महापालिकेच्या आयुक्त इंदुराणी जाखर यांची पालघरच्या जिल्हाधिकारीपदी तर नेहा भोसले यांची रायगड जिल्हा परिषदेच्या मुख्य कार्यकारी अधिकारीपदी बदली करण्यात आली आहे.
डॉ. राजेंद्र भारुड यांची फेब्रुवारी महिन्यात TRTI च्या आयुक्तपदावरून रुसामध्ये प्रकल्प संचालक म्हणून बदली करण्यात आली होती. त्यानंतर काहीच दिवसांमध्ये त्यांची पुन्हा एकदा बदली करण्यात आली असून त्यांच्याकडे उद्योग विभागाच्या अतिरिक्त विकास आयुक्तपदाचा कार्यभार देण्यात आला आहे.
बदल्या झालेले अधिकारी : इंदुराणी जाखर - पालघर जिल्हाधिकारी, नेहा भोसले - रायगड जिल्हा परिषद मुख्य कार्यकारी अधिकारी, भारत बास्टेवाड - रोजगार हमी योजना, नागपूर, राजेंद्र भारूड - अतिरिक्त विकास आयुक्त, उद्योग, लक्ष्मी नारायण मिश्रा जॉईन्ट एमडी, एमएसआरडीसी, निधी पांडे - व्यवस्थापक संचालक, लघुउद्योग, वैष्णवी बी - अतिरिक्त आयुक्त, नागपूर मनपा.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
